AMORE MATERNU
O amore matern'umanu amore
chi m'has dadu latte a pitticheddu.
Mama pro me ses su primu faeddu
c'hapo giamadu cando fit minore.

Tue sorridente e cun calore
lestra m'has dadu unu basigheddu
premiando su primu passigeddu
ch'in vida contat e tener valore.

S'insegnamentu tou mi onorat
giusta s'istrada chi mi has mustradu
chiara e lughente che s'aurora.

Has pregadu pro me e m'has amadu
s'oghe tua in coro sonat ancora
mi refriscat cunsizos chi has dadu.

Dipinto di Veronica Zinzani - L'amore materno
partecipo a 10 righe dalla magica Ichnusa + link http://scrivi.10righedailibri.it/10-righe-dalla-magica-ichnusa